O Covil dos Mouros

Xa existe un lugar na Caniza para acoller a todos os malfeitores culturais da comarca: O Covil. Está nos Mouros, unha pequena aldea, medio abandonada pero moi fermosa, a só 5 minutos da Caniza (GPS: 42.207837,-8.227033)

Somos unha Asociación Cultural autoxestionada creada para acoller todo tipo de propostas no ámbito da cultura, as artes, e o lecer.

Estamos traballando para ofrecer un espazo de desenvolvimento cultural, e realizar actividades no entorno, cubrindo unha necesidade que as institucións parecen ignorar. Trátase de crear nós mesmos unha oferta de lecer até o de agora case inexistente na comarca.

En breves, para cando o lugar dos Mouros estea acondicionado, temos previsto comezar cos obradoiros, exposicións, actuacións, e demáis oferta. E por suposto, organizaremos un xantar popular de benvida.

Para unirvos ao proxecto, colaborar ou o que sexa:

ac@ocovil.com

Mapa: http://bit.ly/VPu969